Në Rahovec

Ka filluar degusitimi i verërave për vitin 2008

Në hapjen e këtij aktiviteti mori pjesë edhe z. Idriz Vehapi, ministër i MBPZHR

Si çdo vit, edhe sivjet, Ministria e Bujqësisë, Pylltarisë dhe Zhvillimit Rural ka shpallur të hapur manifestimin tradicional :”Degustimi i verërave-2008”.

Në një konkurrencë të fortë që janë paraqitur prodhime të verës nga këto anë, sivjet degustimi i verërave të Kosovës po bëhet në Entin e Verëtarisë dhe Vreshtarisë në Rahovec.

Komisioni pesëanëtarësh, ekspertë për degustime të verës , gjatë tërë ditës do të punojnë me profesionalizëm dhe do të shpallin fituesit dhe do të ndajnë mirënjohje për prodhuesit e verës për vitin 2008.

Në hapje ishte i pranishëm edhe minsitri i Ministrisë së Bujqësisë, Pylltarisë dhe Zhvillimit Rural, Prof. Dr. Idriz Vehapi me bashkëpunëtorët. Ai tha se shënimi i kësaj ngjarjeje, tashmë tradicionale, në vete ngërthen nevojën e avancimit të vlerave në prodhimtarinë e rrushit e të verës dhe rritjes së sipërfaqëeve me këtë kulturë fitimprurëse.

Objektivat tona zhvillimore gjithësesi do të përmbushen gjatë përiudhës vijuese me projekte konkrete që do të implementohen në këtë sektor të bujqësisë, tha ndër të tjera Vehapi.