Ministri Idriz Vehapi vizitoi Laboratorin e AVUK

Ministri i Ministrisë së Bujqësisë, Pylltarisës dhe Zhvillimit Rural Idriz Vehapi dhe zv. Ministri Sylë Sylani me bashkëpunëtorët kanë vizituar sot Laboratorin e Veterinarisë dhe të Ushqimit në Zonën Industriale në Prishtinë. Më ketë rast kreu i MBPZHR është njohur nga afër me të arritur që janë bërë në këtë fushëveprimtari kur dihet se tani, më fort se kurrë, ndihet nevojë e madhe e sigurisë së ushqimit të shëndosh për popullsinë e Kosovës.

Me këtë rast ministri Vehapi ka vizituar Sektorin e identifikimit dhe të regjistrimit të kafshëve, Sektorin e shëndetit të kafshëve, Laboratorin e qumështit , Laboratorin e kontrollit të sëmundjeve të kafshëve dhe objektin e ri në ndërtim të Administratës së AVUK-ut dhe LVUK-së.

Po theksojmë me këtë rast se ndërtimi e Laboratorit të AVUK është një vepër kapitale që do të bëjë zgjidhjen e shumë problemeve që kanë qenë deri tani në egzaminimin e mostrave të ndryshme, sidomos të mostrave të pandemisë së gripit të shpendëve, siç ishte Avian Influenza,

Në këtë laboratot tani e tutje do të bëhen analiza të të gjitha mostrave dhe nuk do të priten rezultatet e tyre si më parë, kur ato dërgoheshin në vende të ndryshme dhe për rezultate pritej me javë derisa silleshin nga andej. Në laboratorin e ri po ashtu do të bëhet monitorimi i sëmundjes se kafshëve , monitorimi aktiv dhe pasiv i sëmundjes “Gripi i shpendëve”, marrja e masave shtresë për diagnostifikimin e kësaj sëmundjejedhe shtimi i masave të tjera shtesë.

Zyra për Komunikim me Publikun e MBPZHR