Datë: 07/04/08

Ministri i Bujqësisë Idriz Vehapi vizitoi Kompaninë “ Pestova”

Ministri i Ministrisë së Bujqësië, Pylltarisë dhe Zhvillimit Rural , Prof.Dr. Idriz Vehapi me bashkëpunëtorët ka vizituar sot (07/04/08) Kompaninë më të fuqishme të prodhimit të pates “Pestova”.

Me këtë rast ministri është njoftuar nga presidenti i kësaj kompani, Bedri Kosumi, me të arriturat që janë bërë në fushën e kultivimit dhe të përpunimit të patates, duke shënjestruar faktin se sot në Kosovë Kompania “Pestova” është prodhuesi më i madh i kësaj kulture dhe ka arritur që të shënojë rezultate inkurajuese në kultivimimin e varieteteve më të mira të të gjitha llojeve të patates.

Pronari i kësaj Kompanie ka theksuar se sfida me të cilat është duke u përballur sot fermeri kosovar janë çmimet enorme për sigurimin e inputeve bujqësore siç janë plehërat kimike, preparatet dhe sigurimi i qëndrueshëm i rrymës elektrike.

Pas prezantimeve të bëra të punës në këtë kompani, Ministri Vehapi ka vizituar edhe disa reparte të prodhimit të çipsit, të mekanizimit bujqësor dhe të sipërfaqeve lavërtare që mbilleshin me patate.

Ministri Idriz Vehapi ndër të tjera ka thënë se Qeveria e Kosovës dhe Ministria e Bujqësisë, Pylltarisë dhe Zhvillimit Rural janë duke bërë përpjekje maksimale që t’u jipet mbështetje fermerëve të Kosovës, sidomos atyre që e kanë dëshmuar punën e tyre me rezultate konkrete siç është Kompania “Pestova”. Në vazhdim ai është shprehur se ky shembull i afarimit dhe prodhimit në Kosovë është shembullor dhe kështu, me këtë dinamizëm, do të ishte mirë që të punojnë edhe kompanitë e tjera në nivel të vendit, që sigurisht se nuk janë pak.

Po ashtu, ministri i Minisrtisë së Bujqësisë, Pylltarsië dhe Zhvillimit Rural ka potencuar nevojën e aplikimit në Konferencën e Donatrorëve, sidomos të kompanive të fuqishme, në mënyrë që të krijohen hapësira për thithje të donacioneve, ku do të përshpejtohej hapi zhvillimor në sektorë të ndryshëm të bujqësisë.

Zyra për Komunikim me Publikun