Projekti: Strategjitë Zhvillimore Lokale, shans i mirë për zhvillimin e bujqësisë

Dje në Prishtinë Ministria e Bujqësisë, Pylltarisë dhe Zhvillimit Rural në bashkëveprim me Projektin LSD mbajti një Konferencë prezentuese ku janë paraqitur strategjitë e zhvillimit lokal të pesë grupeve lokale të veprimit nga pesë komuna të Kosovës.

Në këtë konferencë tematike, fjalën e hapjes e mbajti Ministri i Ministrisë së Bujqësisë, Pylltarisë dhe Zhvillimit Rural z. Idriz Vehapi. Ai me këtë rast tha se zonat rurale në Kosovë ballafaqohen me sfida të veçanta sa i përket zhvillimit, vendeve të punës dhe qëndrueshmërisë, por në të njëjtën kohë zonat rurale ofrojnë mundësi reale në kuptimin e potencialit për zhvillim, krijim të vendeve të punës, ofrim të turizmit rural, atraktivitetit dhe rolit si rezervuar të resurseve dhe pejsazheve natyrore. Programi LIDER është iniciativë e BE-së e cila ka për qëllim mbështetjen e komuniteteve rurale drejt përmirësimit të kualitetit të jetës dhe prosperitetit ekonomik. Metoda e LIDER-it është ndërtuar sipas principit që vendimet që merren në zonat lokale janë më premtuese që të përmbushin nevojat e komunitetit.

LEADER është një nga katër nismat e financuar nga fondet strukturore të BE-së dhe e dizajnuar për të ndihmuar aktorët rural brenda BE-së të marrin parasysh potencialin afatgjatë të rajonit të tyre lokal. LEADER-i mobilizon aktorët lokal të përfshihen në të ardhmen e zonës së tyre dhe t’i hapin zonat rurale ndaj territoreve të tjera duke shkëmbyer dhe transferuar përvoja përmes krijimit të rrjeteve, ka nënvizuar ndër të tjera z. Vehapi për të shtuar tutje se Projekti Strategjitë Zhvillimore Lokale (LDS), i cili financohet nga BE-ja bazohet në qasje duke përkrahur GLV-të për të promovuar rrjetet dhe partneritetet në nivel kombëtar, rajonal dhe të BE-së.

Strategjitë Zhvillimore Lokale për komunën e Shtimes, Klinës, Suharekës, Skenderaj-it dhe Gjilanit, që do të prezantohen sot këtu, janë rezultat i bashkëpunimit dhe të punës së zellshme. Kjo është vetëm faza e parë; shumë shpejt GLV-të në të gjitha komunat e Kosovës do të caktojnë prioritetet e tyre zhvillimore dhe do të dizajnojnë strategjitë zhvillimore lokale për zonat e tyre rurale.

Udhëheqësia Komunale i ka dhënë përkrahje të plotë politike Grupeve Lokale Vepruese (GLV) dhe Grupeve Punuese brenda tyre (GLV-ve).

MBPZHR-ja po kontribuon aktivisht në krijimin e kushteve të favorshme për zhvillimin rural dhe bujqësor duke kontribuar kështu në zhvillimin lokal ekonomik. Për të shoqëruar politikën e saj bujqësore dhe për të zbatuar Planin e Zhvillimit Rural dhe Bujqësor 2007-2013, MBPZHR-ja po përkrah aktivitetet e zhvillimit rural, të identifikuara me Grupet Lokale të Veprimit, në mënyrë që të shtojë konkurrencën në sektor.

Ne kemi nevojë të përkrahim më tej GLV-të që ato të bëhen instrumente ose organe drejtuese për zhvillimin lokal në Kosovë. Ne besojmë që GLV-të e prezentuara sot këtu mund të ofrojnë një platformë të përshtatshme për qasjet e integruara dhe një bazë për projektet shumë sektorëshe në zonat tona rurale.

GLV-të në Kosovë janë në fazën e parë dhe aktorët lokal (Komuna dhe grupet private) kanë vendosur të fillojnë një përpjekje të përbashkët dhe të formojnë një partneritet për të krijuar dhe promovuar projektet zhvillimore rurale.

Në këtë fazë të hershme, aktorët dëshirojnë të shohin rezultate të shpejta. Ata dëshirojnë të tregojnë që ka kuptim t’i japin formë fatit të tyre në territorin e tyre. Thelbi aktiv i nismës ka të bëjë me motivimin e lartë dhe akterët kyç që marrin bashkërisht vendime. Ne kemi nevojë të kemi një vizion strategjik gjithëpërfshirës dhe një strukturë organizative të qëndrueshme në mënyrë që Grupet Lokale të Veprimit të evoluojnë më tej ashtu siç ndodh në shtetet anëtare të BE-së, ka konstatuar në fjalën e tij z. Idriz Vehapi, ministër në MNBPZHR..

Për momentin nuk ka program LEADER të BE-së në dispozicion