Zëvendëskomandanti i KFOR-it Gjenerali Gerhard Stelz vizitoi MBPZHR

Përfaqësuesi KFOR-t,Gjenerali Gerhard Stelz ka qëndruar për vizitë në MBPZHR, ku është pritur nga Ministri i Ministrisë së Bujqësisë, Pylltarisë dhe Zhvillimit Rural z. Idriz Vehapi me bashkëpunëtorët.

Në fillim të këtij takimi z. Stelz ka bërë një rezyme të shkurtër rreth sigurisë në vend, duke thënë se ajo që po ndodh në pjesën veriore të vendit tuaj, ku po bëjnë demostrata serbët, nuk është kurrëfarë befasie për ne. Jemi të përgatitur për çdo situatë dhe kemi zero tolerancë ndaj dhunës, sepse ekziston një vijë e kuqe deri ku mund të shkohet.

Manifestimi i shpalljes së pavarësisë që u bë nga qytetarët e Kosovës, tha tutje gjenerali, ishte një manifestim madhështor. Pamjet nga kjo festë janë emetuar në qendrat botërore të mediumeve elektronike dhe të shkruara. Kjo shton besimin në ju që të jeni edhe me tutje dinjitozë në manifestimet tuaja.

Në vazhdim Gjenerali Gerhard Stelz ka përmendur edhe angazhimet e KFOR-it që i ka bërë në shuarjen e zjarreve pyjore vitin e kaluar, ku kishte raste intervenimi edhe me helikopterë. Mirëpo, tha në vazhdim ai, këtë vit duhet të shhtohen masat e sigurisë pandaluese të zjarrreve dhe në bashkëpunim me Ministrinë e Rendit e të TMK-së sigurisht se do të arrihet suksese më të dalluara në marrjen e masave preventive për ruajtjen e pyjeve nga zjarret.

Ministri Idriz Vehapi, pasi falenderoj gjeneralin Stelz për ndihmën e madhe që ka dhënë KFOR-i për Kosovës, ai ka shprehur gatishmërinë për punë edhe më përkushtuese në angazhimin e të gjithë faktorëve relevant e të ekipeve emergjente në parandalimin e zjarreve pyjore. Me këtë rast ministri Vehapi ka njoftuar edhe për hapat që janë duke u marrë në këtë drejtim, pasi kanë filluar kontaktet ndërministrore edhe me Ministrinë e Rendit, kontakte këto që në ditët në vijim do të vazhdojnë edhe me TMK-në dhe me Qeverinë.

Zyra për Komunikim me Publikun