Drenas: Nën sistemin e ujitjes hyjnë 1200 hektarë

Duke ndier nevojën e madhe për rehabilitim të sistemit të ujitjes dhe të zgjerimit të sipërfaqeve që do të ujiteshin nga Sistemi Ibër-Lepenc, ministri i Bujqësisë, Pylltarisë dhe Zhvillimit Rural Idriz Vehapi me bashkëpunëtorët ka zhvilluar një takim pune me udhëheqjen komunale të KK të Drenasit dhe me përfaqësuesit e NSH të Hidroekonomisë “Ibër –Lepenci”.

Gjatë këtij takimi është vedosur që sivjet në këtë komunë për sistem të ujitjes të investohen mbi 300 mijë euro, me qëllim të rritjes së prodhimtarisë bujqësore e të avancimit të vlerave prodhuese konform standardeve evropiane.

Në këtë takim, që udhëhiqej nga Prof. Dr. Idriz Vehapi, ministër në MBPZHR , ku ishin të pranishëm edhe kryetari i Komunës së Drenasit, z. Nexhat Demaku dhe drejtori i përgjithshëm të NSH Hidroekonomia “Ibër-Lepenc”, Abdullah Nishori është vendosur që bashkërisht të participohet në këtë projekt ujitjeje dhe ai të implementohet sa më shpejt, pasi i njejti ka rëndësi kapitale jo vetëm për rajonin , por edhe më gjerë.

Kësaj iniciative të MBPZHR mbështetje të fuqishme I dha drejtori I NSH Hidroekonomia “Ibër- Lepenci” z. Abdullah Nishori.