Ministri Vehapi vizitoi komunën e Shtimes

Gjatë kësaj vizite, në shenjë të shënimit të 22 prillit z. Idriz Vehapi, ministër i MBPZHR ka marrë pjesë në mbëltimin e fidaneve të pishës me nxënësit e shkollave të mesme të kësaj komune

Në vazhdën e aktiviteteve që po i bënë ministri i Ministrisë së Bujqësisë ,Pylltarisë dhe Zhvillimit Rural, Prof. Dr. Idriz Vehapi, duke i vizituar komunat e Kosovës, ai sot ( më 22 prill) ka qëndruar në komunën e Shtimes. Gjatë kësaj vizite stafin e lartë të MBPZHR e kapritur z. Naim Ismaili, kryetar i KK, e cili me këtë rast ka bërë prezentimin e aktiviteteve që janë duke u bërë në këtë komunë, sidomos në sektorët e bujqësisë.

Më pas, ministri Vehapi ka marrë pjesë në aktivitetet që po i bëjnë nxënësit e shkollës së mesme të kësaj komune në pyllzimin e sipërfaqeve të xhveshura me fidane të pishës. Veprimtarët e kësaj komune në bashkëveprim me strukturat e APK-së janë duke vazhduar aktivitete intenzive në mbjelljen e pishave.

Ministri Vehapi i ka përgëzuar strukturat komunale dhe shkollore për këto aktivitete, tani kur është më se e nevojshme që të ruhet toka bujqësore dhe të pyllëzohen tokat pyjore, në mënyrë që të krijohet një ambienti ekologjik,i pastër dhe dobiprurës.