Një delegacion nga Gjermania vizitoi Ministrinë e Bujqësisë

Konferenca e Donatorëve, që pritet të mbahet në muajin qeshor apo korrik të këtij viti, ka ngjallur interesim të madh te vendet donatore të shteteve më të fuqishme perendimore për të investuar në Kosovë. Në vazhdën e këtij interesimi për t’i ndihmuar projektet që i ka pregatitur Qeveria e Republikës së Kosovës për këtë Konferencë, ishte edhe vizita e sotme ( 25 prill) e një delegacioni shumanëtarësh nga Gjermania që i bëri Ministrisë së Bujqësisë, Pylltarisë dhe Zhvillimit Rural.

Delegacioni gjerman, i shoqëruar nga përfaqësuesit e Agjencisë për Promovimin e Investimeve të Qeverisë së Republikës së Kosovës me interesim kanë përcjellur ekspozenë që para tyre e paraqiti Prof. Dr. Idriz Vehapi, ministër I MBPZHR.

Ministri Vehapi ka elaboruar në shumë detaje startegjitë zhvillimore që në vete ngërthejnë projektet e hartuara e të pragatitura nga Ministria e Bujqësisë, Pylltarisë dhe Zhvillimit Rural. Me këtë rast janë dhënë komponentat kryesore të projekteve që kanë të bëjnë me sektorë të dryshëm të bujqësisë, por mbi të gjitha janë prezentuar ato që janë me shkallë më të lartë të prioritetit si; siguria dhe ushqimin, zgjerimi i kapaciteteve prodhuese në ferma, rehabilitimi i sistemit të ujitjes, komosacioni itoka\ve bujqësore, mbrojtja e pyjore etj.